鄭進一 塞車 歌詞

5.塞車

作詞：木仔
作曲：木仔
合唱：鄭進一+唐從聖

［唐從聖］惦台灣駛車 有夠奇怪 大家攏車那駛頭那幌
［鄭進一］正手駛車 倒手拭目屎 嘛有那駛那譙面嗆醜
［鄭進一］台灣人上愛 面子氣派 若無車對祖公袂交代
［唐從聖］比大比貴 比東比西 連車牌號碼 著會使甲人相駘

［唐從聖］若駛著進口車 不免僥掰 大B小B 三步著一台
［鄭進一］這是賊仔伯伯 的最愛 這種榮幸內行的攏嘛了解
［鄭進一］無論是插治路邊 還是停治厝內 不管你防盜器鬥幾台
［唐從聖］你會感覺 彼親像摸彩 你若駛車出去 騎烏托醜返來

［鄭進一］駛 駛 你駛伊駛 我嘛袂凍 乎人講我的行情壞
［唐從聖］銀行分期 若不肯乎我貸 標會嘛要標來買一台
［唐從聖］駛 駛 要駛來駛 一人一台 大家攏駛出來大路排
［鄭進一］大台小台 空車超載 來喔
［合唱］大家攏駛出來 駛出來擠鹹菜

［唐從聖］那駛著國產車 你知我知 你溫溫哪駛 嘛真快壞
［鄭進一］若想要載美眉 哼 你食卡醜 除非你無計較人生了奇怪
［唐從聖］那中古車 上好是覓 那無你目睭著愛有夠利
［鄭進一］不通看車美美 仔你著愛 若撞過泡過吻過醃過 你咁會看出來

［唐從聖］咱台灣的車 攏總有幾台 聽講咱紀錄已經破世界
［鄭進一］想咱的過去 看咱的未來 我流出愛國的目屎
［唐從聖］啊咱的現在 啊咱的下一代 每日為車著無奈
［鄭進一］這種痛苦你應該覓問我 因為我這嗎乎 歹勢啦 要去買第五台

［鄭進一］駛 駛 你駛伊駛 我嘛袂凍 乎人講我的行情壞
［唐從聖］銀行分期 若不肯乎我貸 標會嘛要標來買一台
［唐從聖］駛 駛 要駛來駛 一人一台 大家攏駛出來大路排
［鄭進一］大台小台 空車超載 ［合唱：］來喔
［合唱］大家攏駛出來 駛出來擠鹹菜

［鄭進一］從高速公路 一直塞甲市內
［唐從聖］大家有緣份 塞車塞甲熟悉
［合唱］大家來比賽 駛尚慢的得金牌